ايام المراجعة

اليوم الاربعاء الموافق 17/1/2007م .. قدمت الامتحان الثالث .. يتبقى لي امتحانين يوم الاثنين والثلاثاء الاسبوع الجاي .. يعني اليوم ما براجع شي .. بريح روحي شوي .. تعبت ..
امتحان اليوم
structure
حليو ..سهل ..بس طويل ..على آخر دقيقة من الوقت خلصت

مواقف ايام الامتحانات

يوم الثلاثاء الظهر اتصلو لي قسم الهندسة المدنية من جامعة البحرين .. وجرى الحديث التالي


السكرتيرة:ألو السلام عليكم
أنا : وعليك السلام
السكرتيرة :أخ سعيد علي
أنا : نعم
السكرتيرة: معاك أم عبدالله من جامعة البحرين قسم الهندسة المدنية
أنا : هلا والله .. مرحبا
السكرتيرة: مجلس الجامعة وافق على طلبك بأنك تحصل على
F
.. في مقرر

(( جان أبطل اعيوني .. وعلامات الاستغراب والاستفهام كلها على وجهي))
أنا : لحظة لحظة .. عيدي .. ما فهمت ..
السكرتيرة :
.. ..
أنا : .. أنا .. متى هذا
السكرتيرة: انت مو سيد علي ...
أنا : لا سعيد علي
السكرتيرة : مو رقمك 2000...
أنا : لا لا
السكرتيرة : مسامحة
أنا: مو مشكلة حصل خير

...
...
...
طيحت قلبي ..
أي
F
هذي اللي أنا عاطيني اياها
ومتى وكيف
الموفقة قرأت سعيد كانها سيد .. بالانجلينزي .. فحصل هذا الالتباس

......................................

قعدة الصبح واجد ثقيلة في هالجو .. بااااارد .. ويش اقومك .. من النوم
أوقت التلفون على 7.00.. ما اقوم الا 8.30 ..

أو في يوم حطيت التلفون فوق الكبت . بعيد .. ويوم رن الصبح .. قمت وبدنتها ونمت ساعتين زيادة ..

هذا ويش .. ويش الحل يعني

يالله .. باقي جم يوم وانخلص الامتحانات

.....................

الواحد ايام الامتحانات اذا تعب واستمل من المراجعة ويش اسوي .. اشغل السيارة وياخذ ليه فرة على شارع جدعلي .. وياكل ليه شي ويرجع على المراجعة احسن .. هذه اسويها .... مفيدة

بالتوفيق ..